रौतहटमा जारी प्रतिनिधिसभा निर्वाचनका क्रममा अर्काको नाममा मतदान गर्न खोज्ने एक युवकलाई प्रहरीले नियन्त्रणमा लिएको छ।
पक्राउ पर्नेमा रौतहटको राजपुर नगरपालिका–९ बैरिया निवासी १८ वर्षीय अरजे हयात रहेका छन्।
प्रहरीका अनुसार हयातले बैरिया अनाथालयस्थित मतदान केन्द्रबाट स्थानीय महमद आसिकको नाममा फर्जी मतदान गर्ने प्रयास गरेका थिए। मतदान अधिकृत तथा सुरक्षाकर्मीले कागजात जाँच गर्ने क्रममा शंका लागेपछि उनलाई तत्काल नियन्त्रणमा लिएको हो।
पक्राउ परेका हयातलाई हाल प्रहरी हिरासतमा राखिएको छ। घटनाबारे थप अनुसन्धान भइरहेको जिल्ला प्रहरीले जनाएको छ।
टिप्पणीहरू
टिप्पणी लेख्नुहोस्