कलैया उपमहानगरपालिका–१० निलकण्ठवास्थित गोठालो टोलमा आगलागी हुँदा एक घर पूर्णरूपमा जलेर नष्ट भएको छ।
स्थानीय उजेर हुसेन मन्सुरीको घरमा अचानक सल्किएको आगोले घरभित्र रहेका लत्ताकपडा, अन्नबाली र अन्य घरेलु सामग्री पूर्ण रूपमा जलेर खरानी भएको हो।
पीडित परिवारका अनुसार आगलागीबाट करिब एक लाख ५० हजार रुपैयाँ बराबरको धनमाल क्षति भएको प्रारम्भिक अनुमान गरिएको छ।
छिमेकी र स्थानीयवासीको सक्रियतामा आगो नियन्त्रणमा लिइएको थियो। आगलागीको कारण भने हालसम्म खुल्न नसकेको र घटनाबारे थप अनुसन्धान भइरहेको प्रहरीले जनाएको छ।
टिप्पणीहरू
टिप्पणी लेख्नुहोस्