बाराको जीतपुरमा बिहीबार बिहान भएको मोटरसाइकल दुर्घटनामा एक युवकको मृत्यु भएको छ भने अर्का एक जना घाइते भएका छन्।
दुर्घटनामा मृत्यु हुनेमा वीरगन्ज महानगरपालिका–३२ निवासी २५ वर्षीय लक्की सहनी रहेका छन्। वीरगन्जबाट आउँदै गरेको ना ५२ प ४४१२ नम्बरको मोटरसाइकल बिहान करिब ३ बजे जीतपुरको रातोपुल नजिक सडकछेउको पोलमा ठोक्किँदा दुर्घटना भएको प्रहरीले जनाएको छ।
दुर्घटनामा मोटरसाइकलको पछाडि सवार सोही ठाउँका १९ वर्षीय सुरज ठाकुर घाइते भएका छन्। उनको खुट्टा र शरीरका विभिन्न भागमा चोट लागेको र हाल बयोधा अस्पतालमा उपचार भइरहेको जनाइएको छ।
प्रहरीले दुर्घटनाको थप अनुसन्धान भइरहेको जनाएको छ।
टिप्पणीहरू
टिप्पणी लेख्नुहोस्