राष्ट्रिय स्वतन्त्र पार्टी (रास्वपा)का सभापति रवि लामिछाने ले आफ्नो भारत भ्रमणबारे राजनीतिक दलहरूलाई जानकारी गराएका छन्।
उनले सिंहदरबारस्थित सिंहदरबार मा आयोजित सर्वदलीय बैठकमार्फत भ्रमणबारे ब्रिफिङ गरेका हुन्। बैठकपछि राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देन ले लामिछानेले आफ्नो भारत भ्रमणबारे दलहरूलाई जानकारी गराएको बताए।
लामिछानेले यही जेठ १८ गतेदेखि पाँच दिने भारत भ्रमण गरेका थिए। भ्रमणका क्रममा उनले भारतीय प्रधानमन्त्री नरेन्द्र मोदी, विदेशमन्त्री एस. जयशंकर, गृहमन्त्री अमित शाह र भाजपा अध्यक्ष नितिन नवीनलगायतसँग भेटवार्ता गरेका थिए।
भारत भ्रमणपछि उनले सर्वदलीय बैठक बोलाएर जानकारी गराएका हुन्।
राप्रपा अध्यक्ष लिङ्देनका अनुसार बैठकमा लामिछानेले परराष्ट्र सम्बन्धमा जिम्मेवार र परिपक्व व्यवहार देखाउनुपर्ने सुझाव पनि दिएका छन्। उनले बैठकपछि सञ्चारकर्मीहरूसँग भने, “वैदेशिक सम्बन्धका सवालमा अपरिपक्व व्यवहार देखाउनु हुँदैन। देश जित्नेको मात्र होइन, हार्नेको पनि हो।”
उनले सरकारले गर्ने गलत नीतिको असर सम्पूर्ण देशले भोग्नुपर्ने भएकाले राजनीतिक दलहरूबीच संयम र परिपक्वता आवश्यक रहेको पनि बताए।
टिप्पणीहरू
टिप्पणी लेख्नुहोस्