अर्थमन्त्री स्वर्णिम वाग्ले र अमेरिकाका विशेष दूत सर्जियो गोरबीच शुक्रबार काठमाडौँमा भेटवार्ता भएको छ।
अमेरिकी पूर्व राष्ट्रपति डोनाल्ड ट्रम्पका दक्षिण तथा मध्य एसियाका विशेष दूत गोर र अर्थमन्त्री वाग्लेबीच अर्थ मन्त्रालयमा दिउँसो साढे तीन बजे करिब २० मिनेट छलफल भएको हो।
भेटमा नेपाल–अमेरिका आर्थिक साझेदारी, विकास सहायता र भविष्यमा सहकार्य विस्तारका विषयमा छलफल भएको अर्थ मन्त्रालयले जनाएको छ।
अर्थमन्त्री वाग्लेले लगानी, विकास र आर्थिक स्थायित्वका लागि अन्तर्राष्ट्रिय सहकार्य आवश्यक रहेको बताएका छन्। त्यस्तै, विशेष दूत गोरले नेपालसँगको सम्बन्धलाई अझ मजबुत बनाउने र सहकार्य विस्तार गर्ने प्रतिबद्धता व्यक्त गरेका छन्।
यो भेटलाई दुई देशबीचको सम्बन्धलाई थप सुदृढ बनाउने सकारात्मक संकेतका रूपमा हेरिएको छ।
टिप्पणीहरू
टिप्पणी लेख्नुहोस्