काठमाडौं, ४ माघ – आज राति १२ बजेदेखि आगामी प्रतिनिधिसभा निर्वाचनका लागि आचारसंहिता लागू हुनेछ। आगामी फागुन २१ गते निर्वाचन हुन लागिरहेको छ भने उम्मेदवारको मनोनयन माघ ६ गते हुँदैछ। दलहरू अहिले उम्मेदवार चयनमा सक्रिय छन्।
निर्वाचन आयोगका प्रवक्ता नारायण भट्टराईका अनुसार आचारसंहिता विभिन्न निकाय र व्यक्तिहरूमा लागू हुनेछ।
आचारसंहिता लागू हुने पक्षहरू:
-
नेपाल सरकार, मन्त्रीहरू र कर्मचारी
-
प्रदेश सरकार, मन्त्रीहरू र कर्मचारी
-
स्थानीय तहका कार्यपालिका सदस्य र कर्मचारी
-
सुरक्षा निकाय, सुरक्षाकर्मी तथा सम्बन्धित कर्मचारी
-
सरकारी, अर्धसरकारी र सार्वजनिक संस्था तथा कर्मचारी
-
राजनीतिक दल, भातृ संगठन, उम्मेदवार र उनीहरूको प्रतिनिधि
-
मतदान तथा मतगणना प्रतिनिधि
-
सार्वजनिक पद धारण गरेका व्यक्ति
-
अनुगमन समिति, पर्यवेक्षक संस्था र कर्मचारी
-
सञ्चारकर्मी र सञ्चार संस्था
-
निजी तथा गैरसरकारी संस्था र कर्मचारी
-
विद्यालय, महाविद्यालय, विश्वविद्यालय र शिक्षक/कर्मचारी
-
मतदाता र विकास साझेदार संस्था
-
बैंक, वित्तीय संस्था, सहकारी, व्यापारिक तथा औद्योगिक क्षेत्रका कर्मचारी
-
वस्तु र सेवा प्रदायक व्यवसायका कर्मचारी
-
आयोगले तोकेका अन्य निकाय वा व्यक्ति
सरल भाषामा, आचारसंहिता सरकारी, राजनीतिक, सुरक्षा, सञ्चार, शैक्षिक, निजी तथा गैरसरकारी सबै सम्बन्धित निकाय र व्यक्तिमा लागू हुनेछ।
टिप्पणीहरू
टिप्पणी लेख्नुहोस्