२१ फागुन, काठमाडौं । प्रतिनिधिसभा सदस्य निर्वाचनअन्तर्गत बिहीबार दिउँसो ३ बजेसम्म देशभर करिब ७६ लाख मत खसेको छ।
निर्वाचन आयोगका अनुसार देशभरका १६५ निर्वाचन क्षेत्रमा जारी मतदानका क्रममा उक्त संख्यामा मत खसेको हो। बिहान ७ बजेदेखि सुरु भएको मतदान अधिकांश स्थानमा शान्तिपूर्ण रूपमा जारी रहेको छ।
देशभर रहेका १० हजार ९६७ मतदान स्थलमध्ये केही स्थानमा सामान्य समस्या बाहेक मतदान प्रक्रिया नियमित रूपमा भइरहेको जनाइएको छ। अहिलेसम्म कुल मतदातामध्ये करिब ४० प्रतिशतले मतदान गरिसकेको आयोगले जनाएको छ।
टिप्पणीहरू
टिप्पणी लेख्नुहोस्