सर्वोच्च अदालतले आन्दोलनका क्रममा भएको आगलागीबाट क्षतिग्रस्त भएका १७ हजारभन्दा बढी मुद्दाका फाइल सफलतापूर्वक पुनः प्राप्त (रिकभर) गरेको जनाएको छ।
अदालतका अनुसार डिजिटल प्रणाली, अभिलेख व्यवस्थापन तथा उपलब्ध ब्याकअप स्रोतको प्रयोगमार्फत अधिकांश मुद्दाका अभिलेख सुरक्षित रूपमा पुनः प्राप्त गरिएको हो। हालसम्म १७ हजारभन्दा बढी मुद्दाका फाइल रिकभर भइसकेका छन् भने करिब ३ हजार फाइल पुनः प्राप्त गर्ने प्रक्रिया जारी रहेको जानकारी दिइएको छ।
सर्वोच्चले बाँकी रहेका अभिलेख पनि यथाशीघ्र पुनः प्राप्त गरी न्यायिक सेवामा कुनै अवरोध आउन नदिने गरी काम भइरहेको जनाएको छ।
अदालतका अनुसार यस उपलब्धिसँगै आगलागीबाट प्रभावित भएका हजारौं मुद्दाको सुनुवाइ तथा न्यायिक प्रक्रिया सहज रूपमा अघि बढ्ने अपेक्षा गरिएको छ।
आन्दोलनका क्रममा भएको आगलागीले सर्वोच्च अदालतका न्यायिक अभिलेखमा ठूलो क्षति पुगेको थियो। तर, डिजिटल अभिलेख र ब्याकअप प्रणालीको सहायताले अधिकांश फाइल पुनः प्राप्त हुनुलाई न्याय प्रशासनका लागि महत्वपूर्ण उपलब्धिका रूपमा हेरिएको छ।
टिप्पणीहरू
टिप्पणी लेख्नुहोस्