बारा — बाराको जितपुरसिमरा उपमहानगरपालिका–२ मा अवस्थित जगदम्बा स्टिल्सको भट्टीमा बुधबार राति विस्फोट भएको छ।
इलाका प्रहरी कार्यालय सिमराका अनुसार राति करिब ९:१५ बजे फलाम पगाल्ने क्रममा भट्टीमा अचानक विस्फोट भएको हो। घटनापछि तुरुन्तै प्रहरीको टोली घटनास्थलमा खटिएको छ।
प्रहरीले विस्फोटको कारण र त्यसबाट भएको क्षतिको विवरण यकिन भइनसकेको जनाएको छ। “घटनास्थलको प्रारम्भिक अनुसन्धान भइरहेको छ, विस्तृत विवरण पछि खुल्नेछ,” प्रहरी स्रोतले जानकारी दियो।
उद्योग सञ्चालनमा रहेको समयमा विस्फोट भएको हुँदा सम्भावित मानवीय क्षतिको आशंका गरिएको छ, यद्यपि हालसम्म कुनै आधिकारिक पुष्टि भइसकेको छैन।
अधिक जानकारी आउन बाँकी छ।
